За нешто што звучи толку едноставно, што повеќе се задлабочуваш во фитнес начинот на живот, толку се чини потешко да сфатиш која храна е навистина здрава и соодветна, а која не.

За жал не постои таа „единствена вистина” кога станува збор за фитнес-исхрана, па оваа дискусија се чини како никогаш да нема крај. Но една работа е јасна според фитнес гуруата кои цврсто тврдат дека: 70% од фитнесот е исхраната; стомачни се прават во кујна, а не во сала.

Иако веќе неколку години пливам во длабоките води на фитнес океанот, сепак не се чуствувам целосно компетентен да зборувам на темата „Што да јадеш после мултифункционален фитнес тренинг”, затоа решив да се конслултирам со некој поискусен од мене, односно со една брачна двојка која живее и опстојува од фитнесот – Атанас и Елена (Бубало) Михајловски.

 

Каква храна треба да јадам (после вежање)?

Секој оброк треба да е така димензиониран да се состои од 40% јаглехидрати, 30% протеини и 30% масти. Ваквиот оброк ќе ни го одржи телото во ефикасна метаболичка состојба во која ќе го стабилизираме нивото на инсулин кое се лачи, ќе ја контролираме прејаденоста и гладта и ќе го намалиме ризикот од воспаленија на организмот.  

Предностите на ваквата исхрана можеме да ги наброиме наједноставно во 5 точки, и тоа: (1) за намалување на мастите во телото; (2) за одржување на благосостојба на телото; (3) за ефикасно користење на енергијата; (4) за намалување на секојдневниот умор; и (5) за успорувањето на стареењето.

Мал совет: Со секој оброк не заборавајте да внесете квалитетни масти. Добар трик е секогаш при рака да имате путер од кикирики – ќе заврши работа во скоро секоја ситуација.

 

Неколку едноставни рецепти за после вежбање

Салата од печено пилешко

Состојки: 120 г. печено пилешко месо, половина марула, половина домат, половина краставица, зелена пиперка, малку црн и бел грав, половина авокадо.

 

 

Такос

Состојки: 2 пченкарни тортиљи, 150 г. зачинето мелено месо, 30г. рендано сирење, 1/4 ситно сецкан кромид, 20 сецкани малсинки и половина јаболко.

 

 

Мисиркино месо со зеленчук

Состојки: 150 г. печени мисиркини гради, прокељ, маслиново масло, лук во прав и 3 праски.

 

 

Риба со тиквички и дресинг од light мајонез

Состојки: 220 г. печена риба, 1,5 обарена тиквичка со зачини. Послужена со голема свежа салата прелина со 2,5 лажици дресинг за салата од “light” мајонез.

 

 

Десерт од повеќе овошја со урда и бадеми

200 грама јагоди, една резанка диња, една резанка лубеница, 150 г. нискомаслена урда и 15 бадеми.

 

Comments

comments