4 неверојатни стрипови направени од жени

Жени илустраторки кои ја излудуваат светската стрип заедница, на фронтот ќе ве молам!

Деновиве се инспирирав да ја истражувам стрип уметноста, каде наидов на неколку кул стрип-приказни комплетно илустрирани од девојки-илустраторки. Со цел промовирање на жените-борци во овој капиталистички свет пред некое време со вас ги споделивме приказните на жените кои стојат зад неколку нови македонски брендови, а сега ја продолжуваме нашата мала феминистичка приказна со прекрасните дела кои можеби ќе ги мотивираат нашите локални илустраторки да нè изненадат со некое парче стрип.

Повелете, во продолжение е мојата селекција на четири кул стрип-приказни, 100% свеж илустриран ауткам на женска мозочна активност.

Saga

Илустриран од Fiona Staples

„Saga“ ја раскажува приказната за љубовниците Алана и Марко, кои доаѓаат од две различни планети кои веќе подолго време војуваат една со друга. Тој како воен затвореник ја освојува за само 12 часа откога Алана е назначена да му биде затвореничка стража. Оваа неверојатна sci-fi приказна ја опишуваат како комбинација на елементи од Star Wars и Game of thrones. Mислам дека со последново ве добив.

World of Wakanda

Напишан од Roxane Gay и Yona Harvey, илустриран од Afua Richardson и Alitha E. Martinez

„World of Wakanda“ e дело на две афроамериканки, а издаден од гигантот од издавачка куќа, Marvel. Дејствието се врти околу две револуционерки, кои љубовта една за друга, ја делат и со народот на фиктивната африканска земја Wakanda, која по секоја цена се борат да ја заштитат.

Стрипот исто така, за длабоки фанатици на оваа култура, открива и детали поврзани со приказната за Black Panther, стрип јунак кој е продукт на Stan Lee, еден од најголемите Marvel умови кој меѓу другото ги има креирано Iron Man, Thor и Hulk.

Monstress

Илустриран и напишан од Marjorie Liu и Sana Takeda

Marjorie и Sana на читателите им нудат неверојатна, испреплетена со надреални елементи приказна, која се одвива во Азија во раните 1900-ти. Главниот лик е Maika, која е дел од клапата на Арканици, суштества кои повремено заземаат човечки облик. Таа е во потрага по вистината за смртта на нејзината мајка, проследено со нејзиното одмаздување.

Целиот сетинг е визуелизиран во арт-деко стил, исполнет со чудовишта и калуѓерки-вештерки, и ја прикажува борбата помеѓу високата и ниската социјална класа на луѓе и константниот расизам.

Black Magick

Илустриран од Nicola Scott

Стрипот ја раскажува приказната за Rowan Black, која го минува својот живот борејќи се во константен дуализам од детектив-вештерка. Една посебна истрага ќе ја предизвика да се соочи со себе-пронаоѓањето, а илустрациите на Nicola Scott ќе ве предизвикаат вас да си го најдете стрипов или некој од погоренаведените na Amazon.