10 филмови со кучиња ако Инстаграм видеа не ти се доволни ⋆ Reborn

Ако другарите што никогаш немале куче не можат да разберат зошто ликот целосно ти се менува на секоја слика или видео од куче, јас можам.

Можеби ќе се побуниш за изразов, ама тимот ни е полн со горди кучкари. Пробуваме да си ги контролираме гримасите, бебешките „каци бе ти“ извици и хранењето непознати кучиња под маса, ама не ни успева. Во еден момент решивме да се откажеме и што би рекле американците, „to own it“, па да признаеме дека кога ќе налетаме на филм за кучиња на Телма глумиме дека нема ништо друго за гледање, па го гледаме до крај. По пат пуштаме и некоја солза.

Ако не гледаш Телма, немаш телевизор или ти служи како еден голем екран, ова се филмовите што ме тераат да помислам „Е вакво куче сакам, дефинитивно“.